香港新浪網 MySinaBlog
vincent | 21st Jan 2017 | 叉燒仔成長記 | (1 Reads)

 21.01.2017 星期六

Picture Picture

2016年已過, 我兒都開始返學, 以前 (幾十年前)那會有咁多什麼 playgroup , pre-nursery, 一開始就返k1, 不過時代進步, 人讀你唔讀就好似心裡不踏實咁。

返playgroup 時都還好, 一星期上一堂, 而且上一個鐘, 唱下歌食下野就好快過。2016年11月開始, 叉燒開始返pn 班, playgroup 就停左喇(都幾貴, 1400蚊4堂), 返上午班3小時, 地點就幾近, 在tko 一居屋內, 但學費一d都唔平, 成4xxx一個月 (即一年11個月計要成4萬幾, 當年我讀大學一年學費都係42100)

返左幾日學就病左, 在家休息幾日, 跟住返學, 又病, 再休息, 再病.....到今日為止, 返醫院睇醫生次數不下14-15次, 屋企d藥多到..... 

 Picture Picture

之後返學時間就長左喇, 今日為止返左兩個多星期學之後再次病左, 今次係氣管炎, 返左醫院睇醫生聞氣, 開左d藥, 希望快o的退燒, 唔想帶病過年。

另外一個適應問題就算快解決, 斷續返左一個月學之後, 就由每日喊住返學擰哂頭唔肯入學校, 到而且都算幾開心步入學校門口, miss 都話算適應得幾快, 呢方面就令為父為娘放心不少(事關頭幾天返學喊到嘔返o的早餐出黎)

希望我兒健康成長, 唔好再同病魔做朋友喇~ 

 


vincent | 18th Dec 2016 | 叉燒仔成長記

18-19/12/2016 星期六日

一早已安排好今次去澳門之行, 目的係吃表姊夫的兒子柏霖百日宴。

事前幾天以免叉燒作病已不帶出街玩, 只是日頭返學三小時, 星期六天水圍吃飯更加不帶出去, 誰不知要病的始終避不了。

Picture 

星期日早上帶阿仔返醫院睇醫生, 開左o的藥, 當日都冇點發燒, 係有勁多鼻水, 精神尚好, 玩得走得吃得, 都放心不少, 睇完醫生其時已12點幾, 拿拿聲搭的士經西隧去上環搭2點鐘船。

其實都真係焗住去, 唔去的話book 左1400酒店, 船飛三張約1000蚊就浪費左, 而家唔去都係在家休息, 不過就算去到酒店都係先休息, 去亮一亮相坐一陣就走, 可能去到酒店換左新環境叉燒會病情好轉。

Picture 

在氹仔落船, 叉燒落船訓到上岸, 太好! 過左關搭發財巴士好快去到酒店-->永利皇宮酒店, 行左好遠去到checkin 諗住快d拎房比阿休休息, 點知要等到成5-6點先有, 有冇搞錯, 一間咁大o既酒店居然會出現o的咁情況, 而且唔係得我地一家人係咁, 好多人都冇房, 要立即有房得一個方法就係加$upgrade去大d o既房, 以免阿仔等, 為娘的二話不說就加$800, 立即上房, yeah!~

Picture 

Picture 

Picture 

房間勁大, 簡直係住咁多次酒店(有生以來)最大的一間, 個廳超大, 落地大玻璃, 樓層25樓, 60寸左右大電視, nespresso機, molton brown 沐浴套裝, 樣樣都好奢華, 最緊要的係阿仔開心, 一入到去就四處跑, 同上次住百老匯一樣咁開心, 今次比上次仲多地方玩, 而且酒店方面仲送左隻熊bear bear 同bb 沐浴套裝比阿仔, 加多800蚊都算有價值, 廁所金碧輝煌, 個浴缸設計好似羅馬式咁, 一個字, 正~ 

Picture Picture

吃好藥, 吃過面包, 休息左一陣就預備出去酒樓, 我地搭發財巴出返去澳門市中心o既永利酒店, o向果度搭的士去酒樓(估唔到而家搵的士容易左), 唔駛跳表已經去到, 晚飯吃左兩小時左右就走喇, 由哥哥代叫uber 送返我地去氹仔酒店。

返到後沖好涼吃過藥就同阿仔訓, 酒店安排左bb床, 雖然細了一點但都夠阿仔訓, 今日大人都好累了, 倒頭即睡。

Picture 

Picture 

第二日阿仔一早起左身, 而我就落去賭場內的紅8餐廳買野食, 得少少野就收226蚊(仲要加左一, 都唔知比左咩服務我), 在酒店吃過早餐, 嘆下coffee, 約10點零11點就去樓下搭纜車, 纜車車程好短, 兩三分鐘就玩完, 酒店送o既玩下無妨, 唔係要比成百蚊坐果幾分鐘就真係唔值得玩。

原本3點鐘船, 但早上冇地方去, 而且想比阿仔休息多o的, 我地就提早搭船返香港, 完結左今次兩日一夜之行。

Picture 

(打此文時係24.12.2016, 阿仔仲未退哂燒, 快o的好返吧阿仔, 努力呀~) 

 


vincent | 12th Nov 2016 | 叉燒仔成長記 | (1 Reads)

今天應該是第四間幼稚園面試, 不過前幾間都係in pn 班, 今次就in k1。

原因係呢間幼稚園o既理念標榜不著重學科, 透過玩耍而得到相應的學習, 更標榜無功課 (正呀~高呼~~), 因為咁我諗就算叉燒進度慢一d都應該可應付到。

一早由外母+工人姐姐帶出黎九龍城, 等阿仔同貓貓玩一陣熱身, 到10:30am 出門, 抱住步行10分鐘多dd去到, 入到去地方光猛, 又大又新, 環境氣氛不俗, 而個個miss 都幾nice 咁, 但見已經有幾個小朋友在玩耍, miss 都叫我地玩埋一份, d玩具都幾吸引, 阿仔玩個不亦樂乎~

玩左一陣就入去正式面試, 其實都係考下阿仔果d野, 例如手部協調能力(放假錢幣入錢箱, 拎波波出/入個碗), 睇下會唔會拎完玩具分享比人等等, 而miss 又會問下家長d簡單問題如邊個湊呀, 平時同小朋友去邊玩呀等等, 傾左前後都冇10分鐘就走人。

感覺上都幾良好, 又近屋企, 唯一顧慮就係呢間係非常新o既學校, 而且標榜的學習方式 work 唔work, 又適唔適應到升上小學都未知, 就算收, 都只會例入比較排後的位置。 

http://www.ludus.edu.hk/page.php?cat_id=2   有興趣可入內睇睇 

29.11.2016 更新, 結果呢間 ludus 無怨念的收左叉燒 k1, 而另一間為娘帶去in 啟思亦收左pn, 而另一間咖南就又係 waiting, 見左5間仲有創價未知 result, 不過都唔樂觀, 見左5間2間收2間考慮, 都算唔錯成績, 雖然唔係最想入的學校, 不過總叫出返黎九龍住, 亦係非常咁開心。  


vincent | 4th Nov 2016 | 叉燒仔成長記

今天其實要in两間幼稚園,上午in珈楠下午in文娜雅拔,因為早上開工只有叉燒娘带叉燒去面試,結果。。。。叉燒又喊又扭計,成績十分不落觀。

 下午的文娜雅拔比較重視,所以為父為娘的一起出席。原本以為會一起陪同叉燒interview,但原来只可以一位家長陪同,就唯有為父出手,免得好似今日早上那般情况。

校舍其實不太大,一幢二三層楼高,有個小户外游樂塲,睇網址d相影到几靚,但現塲睇又似一般,重感到有d殘舊。老師就後生多, 而且個個都好似幾nice, 雖然唔係綠茵各老師著衫咁醒目, 但都唔令人反感。

interview地方在二楼,入房前要等前一批小朋友出來先, 但見已經有d小朋友喊哂咁出黎, 心諗唔係咁難係麻, 暗暗滴汗。入到去有幾個應該係評分老師, 有個外籍老師就負責講故仔同唱歌, 一同入去面試有4個小朋友, 大家圍圈坐, 而外籍老師就每人都會逗下, 睇下反應如何, 幸好叉燒都有不錯反應, 唱歌又會起舞咁, 外籍老師仲讚叉燒good添, 係有時掛住想玩後面玩具藍內的玩具波(幸好父嚴震懾得住叉燒), 如果第一part 有3分滿分叉燒表現可能都會有2.5分。

到第二部分, 在同一房內去一張台玩玩具, 應該都係睇下小朋友會唔會爭玩具, 又識唔識tidy up d 玩具, 叉燒玩佢最鐘意o既車車, 為父見到咁拿拿聲拎o的積木比佢手, 叫佢放放, 幸而叉燒有照做仲比人讚good, 叫佢推返張bb椅都有做下, 讚~ 如果呢part有3分叉燒都會有2至2.5分。

 去到最後一部份諗住同當初去綠茵, 德寶差不多, 都係由兩個老師interview 問問題, 都係果d點解選我地學校呀, 邊個湊小朋友呀, 一方面另一個老師就趁你答緊時同小朋友玩考反應, 英美中不足就係叉燒燥底, 老師叫佢指住公仔分出眼耳口鼻, 但係就推開老師手, 又打個公仔, 為父除左保持笑容溫柔地高3度"喝"佢唔好之外, 無野做到, 去到最後, 講拜拜都唔肯, 完全唔比面, 激死, 如果呢part 佔最重有4分, 最多拎到2分。(入房前叉燒流哂鼻涕咁, 為父無紙巾在手, 已經用我隻手擦左一次, 仲係流到成半邊面, 硬住頭皮問左個家長義工拎左張紙巾, 好險, 唔係外觀感失哂分~)

 總結保守叉燒都會拎到6.5分, 即係合格多dd, 就要睇下多唔多人interveiw喇, 話哂呢間都係我地心儀o既幼稚園之一, 如果入到, 咁未來e 3-4年都唔駛再煩搵學校, 而且最重要係終於搬返出市區住。

29.11.2016 更新: 原本以為表現幾好, 點知過左兩星期收到信, 列叉燒做waiting list, 天呀, 情天霹靂, 唯有心急等下一間消息。

 


vincent | 20th Oct 2016 | 我到泰國清邁 2016 | (4 Reads)

 20.10.2016 

來到第三日。

今日一早去酒店餐廳吃早餐, 在河畔旁, 要過對面馬路才到, 酒店員工又為我們擋車開路。

Picture 

Picture 

酒店早餐自助形式, 味道不過不失, 但餐廳景色就不錯, 我們坐在戶外, 對住絛河(唔知叫咩名), 吃下影下相, 一個鐘好快過, 唯美中不足係附近都係香港人, 嘈到呢.... 

 

Picture 

吃完早餐就返回酒店做spa, 酒店有一幢建築物專做spa, 貌似好大, 有兩三層咁上下, 又花兩個鐘按下身洗下腳咁, 不過又唔太覺好舒服wo, 按完到休息室坐, 果度有免費小吃飲品, 但係傍邊就要比錢o既沐浴露呀, 香醺呀果o的野, 結果又留下賣路錢先離開...... 

Picture 

Picture 

跟住就checkout喇, 叫酒店幫我地搵左架雙條車, 車我地去住今次旅行中最後一間酒店(以為!!!!), 寧曼路的akyra型格酒店。

酒店採用黑色做主調, 房間大, 間格分明, 所有用品都幾潮...例如藍牙喇叭(可以駁手機play 歌), capsule 咖啡機 (忘了牌子), 大量酒精飲品(另收費, 所以一樽都冇飲), 有個可戶外or變室內的大浴缸(視乎你將個電簾放下定收埋) 

Picture Picture

最特別的一定係屋頂個泳池, 而我地花最多時間就係果個泳池, 大部分時間都係冇人玩, 變左我兩公婆包場玩, 上邊有兩個大水泡, 我地玩個不亦樂乎。 

Picture 

Picture 

玩到咁上下就出去搵野食喇, 先去隔離街的小店吃泰北麵, 還不錯, 跟住就去miya商場行左陣, 商場比較特別係有一間貌似書店o既coffee shop, 究竟佢係coffee shop 定係書店, 不得而知。跟住又去買下老婆鐘意吃o既macaroon, 再去附近有間飲精品coffee o既小店坐, 一邊吃馬卡龍一邊嘆咖啡, 正。 

Picture 

用到錢都唔夠, 去附近唱下錢, 搵到間好正o既按摩店, 簡直係咁多日以來最舒服o既一次, 依次就係寧曼路呢間 > let relax> fantara spa>Rarinjinda Wellness Spa Resort>夜市街邊檔。

拎左按摩店傳單, 仲問埋師傅o既名, 下次再去就一定再搵返佢~ 

Picture Picture

Picture Picture

晚上去左一間吃泰菜的地方吃飯, 最正就係吃生蝦, 100株一碟, 即係25港幣, 真係想叫多幾碟呀~吃完飯就返酒店休息, 明天預備走人。 

Picture 

晚上浸jacuzzi, 原本幾好, 不過實在太多蚊, 可幸果o的長腳蚊唔會咬人, 唔係真係完全唔會出外浸浴, 而且我地入住3樓, 同地下太近, 在外浸浴都驚比樓下人望到有兩個裸男裸女~

酒店的matress幾舒服, 訓左一晚好o既早上去樓下吃早餐, 款式十分型, 單睇menu好貴(住宿當然唔駛錢), 我地就叫最貴果一兩款share 吃, 賣相好正, 但食落只算ok, 原本下午機走, 但係香港打風完, o的機亂哂坑, 搞到我地今晚要成9點機先走得, 拿拿聲checkout 去附近一間叫五月花大酒店(3星), 房價300幾黎放行李, 有個地方坐下咁。

放好行李就搭的士去老虎樂園, 呢o的叫苦中作樂 (令我諗返2009年去大板滯留事件, 唔同在今次身上有錢, 去玩埋個tiger land 先走), 反正都滯留。

Picture 

上圖係五月花酒店望返akyra 酒店, 今早仲係住緊5星酒店, 下午就變左3星賓館似的酒店, 人生無常啊~~ 

Picture 

玩完老虎樂園仲有時間去吃晚餐, 今餐碟碟夠多, 味道亦不錯, 吃完就正式告別清邁。

搭tuktuk 去機場, 點知一遲再遲, 班機結果delay 到凌晨一點, 返到香港已經5點幾清晨了, 可恨的hkexpress。 

Picture 


vincent | 19th Oct 2016 | 我到泰國清邁 2016 | (3 Reads)

今可以慢慢吃早餐。

吃過早餐後, 就要預備收拾行李預備去下一間酒店Rarinjinda Wellness Spa Resort 呢間酒店係老婆精心挑選(其實三間都係, 辛苦了~)會覺得我一定會鐘意, 而事實又好岩我心水, 而且book 呢間另一個原因係呢度主打做spa, 都幾出名下咁, 就一定要試下啦!       

Picture 

出左第一間酒店後拖住行李搵車, 當時就發覺笨左, 應該叫spa 酒店接我地(無理由去尋日做spa 有車接送, 但住仲貴o的酒店冇ga~)拖住重行李行真係唔太方便, 好彩行未夠半條街有架白牌車兜生意, 叫車費合理就上車, 車雖然好老爺feel, 不過都係坐十幾廿分鐘車, 就算了, 況且我覺得比坐雙條車更舒服同安全。 

Picture 

雖然有兜錯路, 不過都好快搵得返岩o既方向(司機用gps, 不過係用我地電話), 到步後又係例牌野checkin, welcome drink, 今次個welcome係成個椰青, 正呀~o向香港飲一個要起碼25-30蚊, 即係約110株左右, 如在清邁街邊就30株(即7蚊左右), 在餐廳就貴d都不過50株, 而且又甜又好吃。

CheckIn左, 但未有房住, 咁就掉低o的行李, 跟住搭tuktuk去festival center, 果度都幾大幾新, 其實係大型商場一個, 買左o的沐浴露呀香皂呀手信咁, 在foodcourt 吃左個不太特別的lunch 就返酒店玩水。

Picture 

房間係打開房門就可跳入泳池o既種類, 地方大, o的沐浴露, 香皂係正野, 用唔哂我地都帶走埋, 安頓好就玩水, 坐在房外有個小露台, 有兩張沙灘椅, 我倆就坐o向度玩下手機, 飲下各自飲品, 傾下訓下咁, 又落水玩下影下相, 完完全全就係三個英文字表達哂出黎---HEA~~~~ 

Picture 

Picture 

玩完水就預備出去搵食喇, book 左個van仔(免費的)去夜市, 問過酒店staff 都係話夜市照開冇影響, 似乎有影響的都係在曼谷市, 唔駛10分鐘就出到去夜市, 諗住都係行下睇下慢慢搵食, 點知行左冇奈就搵到一個好多野食o既地方, 貌似大排擋咁, 行左幾檔就搵左間坐得舒服o既檔口食野, 食物不錯, 地方又幾乾淨咁, 吃飽飽之後就開始行夜市。

Picture Picture

Picture 

Picture 

夜市好大, 行成個鐘都可以, 雖然有o的檔口賣緊相同貨品, 種類都算多, 結果我地買到幾條泰式褲, 做手信用的散銀包, 而我又買到泰式健康球(可是帶回香港後比阿仔好興奮地左右手互相對撞後其中一個裂左, 哭~) 

行完夜市我倆再去附近按摩店再按腳, 不過今次個男師傅實在hea按, 或根本佢就唔識按, 浪費左為數不多的按摩機會(要去泰國先有得按ga ma~哭), 按完後在街邊買左杯生果沙冰咁上下的飲品, 就步行回酒店休息喇, 明天再去第二間酒店。 

 

 

 

 


vincent | 18th Oct 2016 | 我到泰國清邁 2016 | (4 Reads)

Picture

第一次到泰國清邁。

時間: 18-22/10/2016

航機: 因有直航, 所以又搵左hk express, 但一肚氣, 後話。

酒店有三間: Baan Klang Wiang, Akyra Manor Chiang Mai, Rarinjinda Wellness Spa Resort 

今次都係冇帶阿仔去, 事關清邁比較遠, 兩個半三個鐘機, 出發時已經delay 左成兩個鐘先出發, 原本諗住七點會到步, 點知成八點半先去到, 好彩一早book 左接送車, 唔係夜媽媽又要拎行李又要搵車就麻煩。

第一晚住o既酒店係 Baan Klang Wiang, 酒店雖小, 但似精品酒店, 沒有豪華大堂一流服務, 但氣氛都令人住得幾舒服。 

 

Picture

Picture 

房間不算太大, 又不太小, 窗外景色欠奉, 唯裝潢幾精緻, 看得出酒店方面的心思, 我們住在二樓, 行李要抬上去都幾辛苦, 樓下有一個蚊形泳池, 只有兩張沙灘椅, 大堂不大但放了很多書及特色擺設, 地方雖小但令人覺得寧靜舒服, 唯一要挑剔的地方就係冷氣聲太大, 令人難以入睡,不知是否只有我地入住呢間係咁定全部都是如此? 

Picture 

Picture 

去到酒店已經好晏, checkin 左之後就拎行李上房, 因為會在這裡留兩晚, 所以可以放哂o的日用品出黎, 其時已經九點多, 但係個肚就好餓, 拿拿聲出去搵食, 原本以為泰皇去世會對o的夜生活有所影響, 不過經酒店staff 講又唔多大影響, 可能清邁係位於北邊關係?

經酒店staff用地圖教路, 步行出去搵食都係5-8分鐘路程, 見到護城河邊有小販擺賣, 食左個貌似幾吸引o既豬手飯, 又飲左一杯果汁, 吃左小菠蘿, 不太美味不過叫填好肚, 再去便利店買左o的杯面飲品等, 就返去酒店休息喇。  

Picture 

Picture 

早上約左時間去學煮泰菜, 在酒店吃過早餐就出發。早餐係昨晚order 定的, 有泰式西式選擇, 感覺都不錯, 未享受夠早餐, cooking class 接我地o既司機已經到左(其實係老師的老公), 唯有拿拿聲吃完就上車。

Picture 

學廚地方離酒店15分鐘左右車程, 算幾遠, 自己黎一定唔識, 去到老師已經ready好, 但見學校其實係佢地o既屋企, 只不過樓下停車地方改建左個爐灶比人煮野食。

老師一家三口都o向度, 小b目測應該一歲左右, 比叉燒細, 得得意意咁, 老師抱住小b介紹下自家種o既食材, 如果唔講, 其實以為係好多植物, 完全唔知所有植物都可作煮食用。 

Picture 

介紹完之後就煮喇, 每人煮4道菜, 其實比我感覺好似買左盒模型玩具, 裡面有哂材料, 你只要跟住點做就得, 煮咩菜老師已經預備好材料, 我只係負責切切炒炒咁, 一道道菜就按老師指示亳無難度咁完成。 

 

Picture 

Picture 

Picture 

整好之後就自己吃返自己整o既野食喇, 前後用左個半鐘左右, 味道當然不錯, 賣相更加唔駛講, 在老師住處二樓有個小庭園, 中午炎熱但身處其中又覺得幾舒服同寧靜。我倆就o向度開餐, 之後就有張證書以茲證明我地出師添(雖然返到黎香港只係識整冬陰公湯), 呢個行程係一個唔錯體驗。 

Picture 

食完之後就到下午行程喇, 下午約左一間在當地比較出名的spa, 叫fantara spa, 不過未夠時間, 就叫師傅個老公車我地返酒店先, 跟住再打電話比spa 中心睇下可唔可以早點比我地做spa, 結果又ok wo, 唔駛10分鐘就派架車黎接我地去。 

Picture 

spa 環境尚可, 兩個小時好快過,  又唔似太特別不過都訓著左, spa 完有小吃飲品不錯, 之後就四處shopping 喇, 買左好多soap, 香薰咁, 老婆當唔駛錢咁執左好多, 買完又四處行下, 不過可能時間尚早, o的地攤夜市完全未開, 唯有步行(google map)返酒店, hea下先再出去搵食。

Picture 

Picture 

晚上步行出去吃地道泰北麵, 行左好鬼耐, 仲差d去錯左另一個地方,行左20分鐘,  搵到一間叫 kanjana o既食店, 貌似大排檔咁, 食物水準不錯, 吃完後就搵左間出名o既按摩店"let's relax"按腳包手, 舒服, 相當不錯, 環境ok, 手勢ok, 雖然小貴, 但值, 一般街邊檔按腳要250株, 但o向呢度要成400株, 不過我都覺得值得, 舒服完次返就搵左架雙排車返酒店, 完成左今日行程。

Picture 


vincent | 6th Aug 2016 | 叉燒仔成長記 | (3 Reads)

 06/08/2016 星期六日

呢個短旅行算係叉燒正式第一次出門玩, o向whatsapp group 突發性話去一次聚會, 帶埋小朋友一齊, 就有呢次短trip 喇。

為左今次玩水, 都預備左好多功夫, 同阿仔買水袖, 水泡泳衣等, 在旅行社買package, 仲專登帶左阿仔去左通叔度玩左兩次水, 睇下叉燒究竟怕唔怕水, 做好呢d預備, 就期望天氣好, 又擔心阿仔不肯吃街外食物(因此帶左成個麥包, 兩三隻香蕉), 又驚阿仔陌生地方不肯睡, 阿仔出門簡直係超多野要預備。 

Picture

 我地搭經地鐵去上環搭11點鐘船, 金光飛航(希望唔會太拋啦~), 預算去到酒店約一點左右, 在船上阿仔好乖咁訓左, 我地專登搭呢班船就係配合返阿仔小睡時間。

Picture

今次叫做一齊去旅行但係分開去, 因為個個出門時間唔同, 唯有在酒店等見面, 而原本我地要等3pm先拎到房, 但加錢upgrade左之後就立即可checkin上房, 房間係屬於 suite種類, 有一廳一房套廁, 面對橫琴, 景色一流, 遠望可見到澳門大學, 再遠d就見到海洋王國添, 而且房間光猛, 阿仔一入到房就好開心, 四處跑, 地方大又感覺幾安全就由到阿仔跑, 見到阿仔咁開心自己都開心埋, 加多500幾蚊upgrade值得, 而且 minibar 果o的氣水, 薯片啤酒, 仲有d烈酒版免費拎, 真係太正。

Picture 

Picture Picture

Picture 

我地住百老匯酒店, 聽聞係舊酒店改建, 屬於銀河酒店五間中其中一間,外表似有d年紀, 內在就還可以, lobby在2樓, 可以享用天浪桃園設施。去到見到康記同andy, 而搞店行李之後就去樓下百老匯大街找吃的, 只同andy 去左添好運吃點心(因康記等唔切自己一家四口先吃去了), 去到澳門都係食返香港野, 原因係點心有包包同馬拉榚岩阿仔吃。

Picture Picture

吃完就上返房換衫預備一齊去天浪桃園玩, 亦即係今次去玩o既重點, 今日好大太陽, 應該唔怕凍親阿仔, 由百老匯酒店有條連接路去到天浪桃園(其實正正就在大倉酒店樓下, 當然住呢間又會再貴d), 路程十分鐘左右, 順利去到就憑咭入場, 叉燒未熱身開頭有o的怕, 先去bb池玩, 玩玩下就去左人造浪池玩, 原本忘記帶水袖黎, 不過都冇咩所謂, 果度有超細size救生衣, 比阿仔著略大少少但都ok。

Picture 

跟住去左玩水泡漂流, 抱住阿仔玩佢又肯wo, 唔知漂左幾奈, 載浮載沉咁都幾得意, 有時有o的瀑布水流, 搞到阿仔成頭係水好似好慘咁, 不過都好堅強冇喊wo, 低讚~ 

Picture

最後去左第二個bb池玩, 果度多o的兒童設施, 阿仔超鐘兒玩, 更加唔怕頭頂有水淋(到晚上沖涼就兜頭淋洗頭都冇扭計喇, 因為到現在為止洗頭都要抱住洗, 太好!), 玩得超開心o既時間過得好快, 又係時候講byebye, 因為book 左今晚食飯不能遲到, 又玩得幾夠皮, 就齊齊返去酒店換衫預備吃晚飯。

Picture Picture

今晚食飯地方亦在百老匯大街內, 叫做福龍葡國餐, 食物還好(其實都冇咩點吃, 事關要照顧阿仔, 有時阿仔坐得奈要落地行又要帶出去兜個圈,所謂食而不知其味就係咁囉, 阿仔, 我老左痴呆時記得喂返你父親吃飯~) 

Picture Picture

Picture 

吃完飯在附近行街, 其時約九點, 阿仔已經恰眼訓, 唯有跟大家say goodnite返房, 擔心阿仔唔訓或扭搵婆婆情況興幸冇出現, 由叉燒娘出手暗阿仔訓覺, 好快訓著(其實今天好累喇阿仔)再放返落去我地一早request o既bb床(好大張, 見圖), 一覺就訓天光, 實在低錫, 綜觀今次阿仔表現, 除左食少左之外, 小嘔左兩次(一次可能個胃太多包包又迫佢飲多水, 一次就搭船回程時可能暈船浪?)其實表現都非常乖同低讚, 不枉為父為娘安排今次旅行, 出年去長旅行機會又大d喇~

Picture

第二朝同阿仔萬里長征似的行左去銀河酒店果邊買麥記, 因為阿仔鐘意食熱香餅, (其實如果穿過中間賭場係會快好多o既, 但得22個月o既人仔係唔比入, 所以兜左超遠路先去到), 而叉燒娘就在房執拾行李預備check out, 食好早餐, 約左表姐見面, 十一點半在樓下上車去橋記吃姨丈的撚手豬手, 閑聊左一陣就去返金光碼頭搭2:30pm船返香港喇, 告別今次澳門小旅行。 


Next